FAQ

Dir sidd eng Léierpersoun:

Wéi an u wien schécken ech d’Demande de financement eran ?

Dir kënnt d'Demande de financement iwwer zwee Weeër era gin : per Post un déi Adress déi an der Demande de financement steet oder per Mail un info@kulturama.lu.

Esoubal mir d'Demande kritt hun, schécken mir Iech eng Konfirmatioun dass är Demande bei eis ukomm ass.

Wéi kann ech de Kënschtler kontaktéieren ?

Dir fannt bei de Profiller vun den Kënschtler all néideg Kontaktinformatiounen.

Wéi ass den Oflaf vun engem Kulturama-Projet?

Detailer iwwert den Oflaf vun engem Projet fannt Dir an der Rubrik "A Propos" ënnert "Oflaf".

Wann der eng Fro sollt hunn, op déi der op dësem Internetsite keng Äntwert fannt, kënnt der eis en E-Mail schécken op info@kulturama.lu.

Ech sinn interesséiert un engem Projet vum SCRIPT. U wien kann ech mech wende fir méi Informatiounen zu dem Projet ze kréien ?

Wann eng Initiativ vum SCRIPT Iech interesséiert, maacht eis w.e.g en E-Mail op info@kulturama.lu. Mir gin dësen E-Mail un de Responsabele vun der Initiativ weider.

Doropshin, wäert déi Persoun déi responsabel fir dës Initiativ ass Iech kontaktéieren fir Iech all néideg Informatiounen ze gin.

Ech wëll mat menger Klass eng kulturell Institutioun besiche goen. U wien kann ech mech wende fir eng Visitt fir meng Klass ze organiséieren ?

Dir fannt déi néideg Kontaktdonnéeën um Profil vun all kultureller Institutioun.

Wou fannen ech déi néideg Informatioune wann ech wëll e bestëmmte Projet mat menger Klass realiséieren, awer net weess, wéiee Kënschtler am Beschte passt ?

An der Rubrik "Best Practices" gi reegelméisseg Projeten aus der Vergangenheet presentéiert.

Mir invitéieren Iech, Iech duerch des Rubrik duerch ze klicke well dir fannt hei net nëmmen Inspiratioun fir déi nächst Projete mee och Informatiounen zu dem Choix vun der Artistin, respektiv dem Artist, den Oflaf vum Projet an d'Kollaboratioun tëschent dem Léierpersonal an der Artistin, respektiv dem Artist.

Wéi genau leeft den Finanzement vum Projet of ?

Esoubal den entspriechende Formulaire bei eis ukomm ass, fënnt eng interministeriell Consultatioun statt. D’Léierpersoun kritt zäitno eng Äntwert iwwer déi finanziell Bedeelegung. Ab dësem Moment kuckt d’Léierpersoun, zesumme mat dem Expert, de Projet an der Klass/Schoul ze realiséieren. No dem Projet an dem Erareeche vun engem kuerze Feedback gëtt déi accordéiert finanziell Bedeelegung, no Virleeë vun enger Rechnung, un den Expert iwwerwisen (D'Modeller vun de Facturë fannt dir an der Rubrik Documents). De Finanzement ass op 50 Stonne pro Schouljoer pro Schoul begrenzt.

Wann der nach sollt Froen zu de Modalitéiten hunn, da kënnt der eis gären en E-Mail maachen op info@kulturama.lu oder eis en Message iwwert de Kontaktformulaire vun dësem Site zoukomme loossen.

Dir sidd Kënschtler:

Ech hunn e Projet mat enger Klass realiséiert a géif gären meng Rechnung era schécken. Wou fannen ech en Virdrock an u wie schécken ech se ?

Mir invitéieren Iech, d'Rechnung iwwert den elektronesche Wee un eis ze schécken. Fir dëst, connectéiert Iech w.e.g op myguichet.lu a consultéiert d'Informatiounen zu der facturation électronique.

https://guichet.public.lu/fr/entreprises/commerce/marches-publics/facturation/emission-facture-electronique-marche-public-contrat-concession.html

Ech si Kënschtler a wëll bei dëser flotter Initiativ matmaachen. Wat genau muss ech maache fir an de Kënschtlerpool opgeholl ze ginn ?

Fir Deel vum Kënschtlerpool ze ginn a bei Kulturama kënne mat ze maachen, musst Dir eis de Formulaire " Kënschtlerpool" (Rubrik "Documents") ausgefëllt eraschécken. Dës kënnt Dir ganz einfach andeem s Dir eis en E-Mail mat dem ausgefëllte Formulaire op info@kulturama maacht.

Zousätzlech, fir dass mer är Foto an d'Beschreiwung vun ären Aktivitéite kënnen op Kulturama publizéieren, ass et néideg eis d'Dokument "Averständnes" ze ënnerschreiwen an och per E-Mail un info@kulturama ze schécken.

Erop scrollen